திருகோணமலை ASP சித்திர கலைக்கூடம் ஏற்பாடு செய்துள்ள ஓவியக் கண்காட்சி, அதன் நிறுவனர் மற்றும் ஓவிய ஆசிரியரான திரு. சுதர்சன் அவர்களின் வழிகாட்டுதலின் கீழ் இன்று (17) ஆரம்பமாகிறது.
இரு நாட்கள் நடைபெறும் இக்கண்காட்சி, 2026 ஆம் ஆண்டு ஒக்டோபர் 17 மற்றும் 18 ஆகிய திகதிகளில் காலை 8.30 மணி முதல் திருகோணமலை ஜுப்லி மண்டபத்தில் நடைபெறவுள்ளது.
உள்ளூர் ஓவியக் கலைஞர்களின் படைப்புகள் மற்றும் மாணவர்களின் கலைத்திறன்களை பொதுமக்கள் பார்வையிடும் வகையில் இக்கண்காட்சி ஒழுங்கு செய்யப்பட்டுள்ளதாக ஏற்பாட்டாளர்கள் தெரிவித்துள்ளனர்.
இக்கண்காட்சிக்கான அனுமதி முற்றிலும் இலவசமாகும் என்பதுடன், கலை ஆர்வலர்கள், மாணவர்கள் மற்றும் பொதுமக்கள் அனைவரும் வருகை தந்து கலைஞர்களை ஊக்குவிக்குமாறு ஏற்பாட்டாளர்கள் அழைப்பு விடுத்துள்ளனர்.
