திருகோணமலை, நவம்பர் 18 – இலங்கை மற்றும் இந்தோனேசியாவுக்கிடையிலான தகவல் தொழில்நுட்ப மேம்பாடு, தொழில்நுட்ப ஒத்துழைப்பு மற்றும் மூலோபாய கூட்டாண்மைகளை மேம்படுத்தும் நோக்கில், திருகோணமலை வர்த்தக சம்மேளனம் சார்பில் இந்தோனேசிய தூதுவருடன் நேற்று (18) பயனுள்ள கலந்துரையாடல் ஒன்று இடம்பெற்றது.
இச்சந்திப்பில், இரு நாடுகளினதும் திறன்களைப் பயன்படுத்தி டிஜிட்டல் புத்தாக்கம், அறிவுப் பகிர்வு மற்றும் வணிக வாய்ப்புகளை விரிவுபடுத்துவது தொடர்பில் கலந்துரையாடப்பட்டது.
மேலும், தகவல் தொழில்நுட்பத் துறையில் புதிய ஒத்துழைப்பு வாய்ப்புகளை உருவாக்குதல், தொழில்நுட்ப அறிவுப் பரிமாற்றத்தை மேம்படுத்துதல் மற்றும் தென்கிழக்கு ஆசியா மற்றும் தெற்காசிய பிராந்தியங்களுக்கு இடையிலான தொழில்நுட்ப இணைப்புகளை வலுப்படுத்துதல் தொடர்பிலும் கவனம் செலுத்தப்பட்டது.
இந்த சந்திப்பு, இலங்கை–இந்தோனேசியா இடையிலான தொழில்நுட்ப மற்றும் வர்த்தக உறவுகளை மேலும் வலுப்படுத்துவதற்கான முக்கியமான முன்னெடுப்பாக அமைந்துள்ளது.

