கிழக்கு மாகாண சுகாதார சேவைகள் திணைக்களத்தின் புதிய பணிப்பாளராக வைத்தியர் சரவணபவன் அவர்கள் நியமிக்கப்பட்டுள்ளார்.
வைத்தியத் துறையில் அர்ப்பணிப்புடன் சேவையாற்றி வரும் அவர், மருத்துவ சேவைகளுக்கு அப்பாற்பட்டும் சமூக நலன் சார்ந்த பல்வேறு நடவடிக்கைகளில் தீவிரமாக பங்களித்து வருபவராக அறியப்படுகிறார். மக்களின் நலனுக்காக களமிறங்கி செயல்படும் அவரது பணிகள் பல தரப்பினரின் பாராட்டைப் பெற்றுள்ளன.
பல ஆண்டுகளாக சமூகப் பணிகளிலும் பொதுநல முயற்சிகளிலும் தொடர்ந்து ஈடுபட்டு வரும் வைத்தியர் சரவணபவன் அவர்களின் இந்த நியமனம், கிழக்கு மாகாண சுகாதாரத் துறையின் சேவைத் தரத்தை மேலும் மேம்படுத்தும் என எதிர்பார்க்கப்படுகிறது.
புதிய பொறுப்பை ஏற்றுள்ள வைத்தியர் சரவணபவன் அவர்களுக்கு பலரும் தங்களது வாழ்த்துக்களையும் பாராட்டுகளையும் தெரிவித்துள்ளனர்.
