2026 ஆம் ஆண்டு ஜூன் 19 ஆம் திகதி யாழ்ப்பாணம் J Hotel இல் நடைபெற்ற Sri Lanka–Canada Business Council (SLCBC) Premier Regional Excellence Awards 2026 விருது வழங்கும் விழாவில், திருகோணமலை மாவட்ட வர்த்தக சம்மேளனம் (TDBC) சிறந்த பங்காளி அமைப்பாக கௌரவிக்கப்பட்டது.
இந்நிகழ்வில், திருகோணமலை மாவட்ட வர்த்தக சம்மேளனத்தின் தலைவர் திரு. ஆர். ராஜாராம்மோகன் அவர்கள், வணிகத் துறையில் ஆற்றிய சிறப்பான தலைமைத்துவம் மற்றும் வணிக சமூகத்தின் முன்னேற்றத்திற்காக வழங்கிய அர்ப்பணிப்புமிக்க பங்களிப்பை பாராட்டி, “Most Respected Business Leader Award” எனும் உயரிய விருதினைப் பெற்றுக் கொண்டார்.
மேலும், மகாலக்ஷ்மி ஸ்டோர் நிறுவனத்தின் உரிமையாளர் திரு. எஸ். சிவகுமார் அவர்கள், தனது சிறந்த தொழில்முனைவுத் திறன், வணிக சாதனைகள் மற்றும் பிராந்திய பொருளாதார வளர்ச்சிக்கான பங்களிப்பை அங்கீகரிக்கும் வகையில் “Outstanding Enterprise Award” விருதினால் கௌரவிக்கப்பட்டார்.
இந்தப் பெருமைமிகு விருதுகள், திருகோணமலை வணிக சமூகத்தின் அர்ப்பணிப்பு, சாதனைகள் மற்றும் வளர்ச்சியை பிரதிபலிப்பதோடு, நிலையான பொருளாதார முன்னேற்றத்தையும் வணிக மேன்மையையும் ஊக்குவிப்பதில் திருகோணமலை மாவட்ட வர்த்தக சம்மேளனம் மற்றும் அதன் உறுப்பினர்கள் வகிக்கும் முக்கிய பங்கினையும் வெளிப்படுத்துகின்றன.
இவ்விருதுகளைப் பெற்ற திரு. ஆர். ராஜாராம்மோகன் மற்றும் திரு. எஸ். சிவகுமார் ஆகியோருக்கு திருகோணமலை மாவட்ட வர்த்தக சம்மேளனம் தனது மனமார்ந்த வாழ்த்துகளைத் தெரிவித்துக் கொள்வதுடன், அவர்களின் எதிர்கால முயற்சிகளிலும் தொடர்ந்தும் பல வெற்றிகளைப் பெற வாழ்த்துகிறது.
