பொரளை மேல் மாகாண வீதிப் பயணிகள் போக்குவரத்து அதிகாரசபையில் பணிபுரியும் நேரக் கண்காணிப்பாளர் ஒருவர், ரூ. 200 கையூட்டல் பெற்ற குற்றச்சாட்டில் கையூட்டல் மற்றும் ஊழல் ஒழிப்பு ஆணைக்குழுவினால் கைது செய்யப்பட்டுள்ளார்.
தனியார் பேருந்தின் அட்டவணையில் கையொப்பமிடுதல், இயக்க நேரத்தை சீரமைத்தல் மற்றும் திட்டமிட்ட பயணங்களை வழங்கும் நிபந்தனையில், ஒவ்வொரு பயணத்திற்கும் ரூ. 200 கையூட்டல் கோரியதாக குற்றம்சாட்டப்பட்டுள்ளது.
ஹெய்யன்துடுவைச் சேர்ந்த ஒரு நடத்துநர் அளித்த புகாரின் பேரில், கடுவெல பேருந்து நிலையத்தில் அவர் கைது செய்யப்பட்டார்.
சந்தேக நபர் விரைவில் கொழும்பு நீதவான் நீதிமன்றத்தில் முன்னிலைப்படுத்தப்படுவார் என்று அதிகாரிகள் தெரிவித்துள்ளனர்.
