யாழ்ப்பாணம் செம்மணி பகுதியில் கடந்த கால போர் காலத்தில் உருவானதாக சந்தேகிக்கப்படும் மனிதப்புதைகுழி அகழ்விடத்தில், மேலதிக புதைகுழிகள் உள்ளதா என்பதை கண்காணிக்கும் நோக்கில் தரைகீழ் ஊடுருவும் ஸ்கேனிங் (Ground Penetrating Radar – GPR) பணிகள் இன்று (04 ஆகஸ்ட்) ஆரம்பிக்கப்பட்டுள்ளன.
இந்த தொழில்நுட்ப நடவடிக்கைக்கு, கொழும்பு ஸ்ரீ ஜெயவர்த்தனபுர பல்கலைக்கழகத்தின் தொழில்நுட்ப பீடம் நேரடி உதவியளித்து வருகின்றது. ஸ்கேனிங் பணிகளைச் செயல்படுத்த தேவையான சிறப்பு உபகரணங்களும் அவர்களால் வழங்கப்பட்டுள்ளன.
இந்த GPR தொழில்நுட்பம், தரை உள்வாங்கும் அலைகள் மூலம் தரையின் கீழ் உள்ள அமைப்புகளை படம் பிடிப்பதன் மூலம், புதைக்கழிகளின் இருப்பு குறித்து அறிவியல் அடிப்படையிலான ஆதாரங்களை உருவாக்கும் வகையில் செயல்படுகிறது. இதனால், உண்மையை வெளிக்கொணரும் பாதையில் இது ஒரு முக்கியமான கட்டமாகக் கருதப்படுகிறது.
